anosh
عدد المساهمات : 96
نقاط : 54468
تاريخ التسجيل : 21/01/2010
 | موضوع: جربي الحلو بقي صينية بطاطا لو زهقتى من اكلها مشوية بس تحفة احلي من البسبوسة خشي يلا  الخميس فبراير 04, 2010 9:23 pm | |
| جربي الحلو بقي صينية بطاطا لو زهقتى من اكلها مشوية بس تحفة احلي من البسبوسة خشي يلا
- جايبالكوا طرقة صينية البطاطا الحلو يمكن مش كتير جربوها بس لو جربتيها وجبتى بطاطا علطول هاتعمليها وهاتكلى صوابعك وراها يلا اكتبي ورايا
[ندعوك للتسجيل في المنتدى أو التعريف بنفسك لمعاينة هذه الصورة]المقادير: بطاطا حسب الكمية وليكن 2 كيلو كوب ونص سكر او حسب ماتحبيها مسكرة قوى ولا لا كوب لبن نص كوب سمن بلدى بيضة ملعقة فانيليا بقسماط مدشوش للوش الصينية الطريقة ياقمر:
- هاتى البطاطا واغسليها كويس وبعدين اسلقيها في ماية
- قشري البطاطا واهرسيها كويس في مصفا او اختصارا للوقت اخلطيها في الكبة لغاية ماتبقي لينة شوية
- هاتى حلة بقي وحطيها علي النار وحطى السمنة البلدى وسيحيها وحطى البطاطا المهروسة وقلبيها كويس
- بعدين حطى السكر ودوقيها لغاية ماتحسي ان سكرها بقي حلو حسب مذاقك وبعدين حطى اللبن وقلبي
- حطى البيضة وقلبي البطاطا لغاية ماتتماسك كدة وتبقي لينة وماسكة نفسها ماتخليهاش ماية خالص وحطى الفانيليا
- سيبيها علي النار 3 دقايق كدة وبعدين تكونى جبتى صينية وحطى في القعر سمنة ورشي عليها شوية بقسماط مدقوق عشان ماتلزقش وحطى البطاطا في الصينية ووزعيها وحطى علي الوش بقسماط برضة ووزعية علي الوش وبعدين حطى الصينية في الفرن لغاية ماتحمر وشها وطلعيها بقي ودوقي وهاتدعيلي بس هاتى حتة في طبق ولو حطتيها في التلاجة تسقع مش هاقلك بقي كل ماتفتحيها وتشوفيها تاكليك حتة بس اوعى صوابعك بقي هههه بالهناوالشفا لو عجبتك وجربتيها ابقي قوليلي بقي عشان اجبلك وصفات جديدة لسة [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط] | |
|
