قصيده عاميه لى بعنوان ( لما ضاعت الحاجات)

بسم الله الرحمن الرحيم

[size=24]أقدم لكم قصيده عاميه لي بعنوان

(لما ضاعت الحاجات)
لما ضاعت الحاجات
دفنت قلبي وسط غابه م الألم
وكرهت نفسي
كرهت قلبي
كرهت كل اللي كان بيرسم
جوه منى أمنيات
وقلت ااااااه
اتبعترت منى الآهات
وقلت اجري
لقتنى بجري
وفضلت اجري
لما تاهت سكتي
تهت مع صوت السكات
الحب مات
والقلب مات أصبح فتات
ومشيت لوحدى في الطريق
كان لي صديق
احكي ويسمع كلمتي
اشكي ويعرف علتي
ابكي ويمسح دمعتي
وفوسط زحمه م الكلام
صرخ الطريق
قلبه الحجر أصبح رقيق
قال لى الكلام اللي أنطوى
..أصبح هوا
بقى ذكريات..........انس اللي فات
وعيونه رسمت سكتي
ولقيت معاه كل الحاجات
وبعدها
غمض عينيه
سأ لته ليه؟؟؟؟؟
أتاريه فتنى ومات
لما ضاعت الحجات

مع تحياتى
وليد ابو محمود

» هذه قصيدة عاميه لى بعنوان ( ريشة بط )
» قصيده لى بعنوان (جنين)
» قصيده للشاعر تميم البرغوثى بعنوان (قالوا لى بحب مصر قلت مش عارف)
» قصيده رائعه للشاعر تميم البرغوثى (بعنوان فى القدس)
» فلم وثائقى بعنوان (من الذى كتب العهد الجديد)(1)